Miles Teller

Miles Teller (20 fevral 1987-ci il təvəllüdlü) amerikalı aktyordur. O, ilk dəfə "Rabbit Hole" (2010) müstəqil dram filmində rol alıb. Aktyor "The Spectacular Now" (2013) yetkinlik dövründən bəhs edən film və "Divergent" (2014–2016) film trilogiyasındakı rolları ilə daha geniş tanınıb. Onun karyerasında dönüş nöqtəsi tənqidçilərin rəğbətini qazandığı "Whiplash" (2014) dramı olub. Teller "Fantastic Four" (2015) superqəhrəman filmində və "War Dogs" (2016) bioqrafik filmində baş rolları ifa edib. O, "Top Gun: Maverick" (2022) döyüş filmindəki baş rolu ilə yenidən böyük populyarlıq qazanıb. Televiziyada isə "Amazon Prime Video"nun "Too Old to Die Young" (2019) kriminal dramında və "Paramount+"ın "The Offer" (2022) mini-serialında çəkilib.