Will Poulter

Uilyam Cek Poulter (28 yanvar 1993-cü il təvəllüdlü) ingilis aktyordur. O, ilk dəfə 2009-cu ildə "School of Comedy" serialı, daha sonra "Narniya xronikaları: Səhər ulduzunun səyahəti" (2010) macəra filmindəki Yustas Skrabb rolu və "Biz Millerlərik" (2013) komediya filmindəki baş rolu ilə tanınıb. 2014-cü ildə BAFTA-nın "Yüksələn ulduz" mükafatına layiq görülüb. Poulter distopik elmi-fantastik trilogiya olan "Labirintdə qaçan" (2014–2018) filmlərinin birinci və üçüncüsündə, tarixi "Dirilən" (2015) filmində, dram janrında olan "Detroyt" (2017) filmində, interaktiv "Qara güzgü: Bender-snəç" (2018) filmində və "Günəşli yay" (2019) qorxu filmində rol alıb. 2021-ci ildə o, "Hulu" platformasının "Dopesick" mini-serialında çəkilib və bu rola görə "Ən yaxşı ikinci plan aktyoru" nominasiyasında "Praymtaym Emmi" mükafatına namizəd olub. 2023-cü ildə "Qalaktika mühafizəçiləri 3" filmində Adam Uorlok obrazı ilə "Marvel" kinematoqrafiya kainatına qoşulub. O, həmçinin "FX" kanalının "Ayı" serialında da rol alıb və bu işi ona növbəti "Emmi" mükafatı nominasiyasını qazandırıb.