John Stockwell

Vikipediyadan, azad ensiklopediyadan John Stockwell (25 mart 1961-ci il təvəllüdlü) amerikalı aktyor, rejissor, prodüser, yazıçı və keçmiş modeldir. Stockwell 1961-ci ildə Texas ştatının Qalveston şəhərində vəkil ailəsində John Stockwell Samuels IV adı ilə dünyaya gəlib. Aktyor kimi ilk tammetrajlı filmi 1981-ci ildə çəkilmiş "So Fine" olub. O, 1983-cü ildə ekranlaşdırılan "Losin' It" komediya filmində Spider, elə həmin il John Carpenter-in "Christine" qorxu filmində Dennis Guilder və 1985-ci ildə çəkilən "My Science Project" komediya filmində Michael Harlan rolları ilə məşhurlaşıb. 1986-cı ildə "Top Gun" filmində Cougar obrazını canlandırıb. O, "The Young Riders" və "Friday the 13th: The Series" kimi televiziya şoularında qonaq aktyor kimi çıxış edib. Karyerasına beynəlxalq model kimi başlayan Stockwell vaxtının çox hissəsini İtaliyada keçirib. Modellik etdiyi dövrdə Andy Warhol ilə dostlaşan Stockwell rəssamın "The Warhol Diaries" adlı xatirələr kitabında tez-tez xatırlanır. Stockwell "Cheaters" (2000), "Crazy/Beautiful" (2001), "Blue Crush" (2002), "Into the Blue" (2005), "Turistas" (2006) və "Heart" (2009) daxil olmaqla bir sıra filmlərə rejissorluq edib. Yuxarıdakı təsvir CC-BY-SA lisenziyası altında olan "John Stockwell (actor)" adlı Vikipedia məqaləsindən götürülüb, müəlliflərin tam siyahısı Vikipediyadadır.