Frank Darabont

Frank Árpád Darabont (doğum adı Ferenc Árpád Darabont, 28 yanvar 1959) üç dəfə "Oskar" və bir dəfə "Qızıl Qlobus" mükafatına namizəd olmuş amerikalı ssenarist, rejissor və prodüserdir. O, 1956-cı il üsyanı zamanı Budapeştdən qaçan macar valideynlərin övladı olaraq Fransada dünyaya gəlib, lakin hələ körpə ikən ailəsi ilə birlikdə Los-Ancelesə köçüb. O, Stiven Kinqin hekayələri əsasında çəkilmiş "The Shawshank Redemption", "The Green Mile" və "The Mist" filmlərinin rejissoru olub. 2010-cu ildə o, AMC telekanalının "The Walking Dead" serialının ilk mövsümünü hazırlayıb və icraçı prodüseri olub.