Arda Anarat

Kino və serial aktyoru. 2 aprel 1999-cu ildə İstanbulda anadan olub. Əslən Samsunun Bafra rayonundandır. İstanbul Notre Dame de Sion Fransız Liseyinin məzunudur. Arda Anarat aktyorluq fəaliyyətinə 2011-ci ildə "Muhteşem Yüzyıl" serialında Şahzadə Mehmet rolu ilə başlayıb. Bir neçə mövsüm ardıcıl olaraq "Diriliş Ertuğrul" serialında rol alan Arda Anarat, 2019-cu ildə ekranlara çıxan "Tek Yürek" serialında Umut, "Çukur"da Efe, "Bilmemek" filmində isə Berk obrazlarını canlandırıb. 2021-ci ildə "Hekimoğlu", "Ex Aşkım" və "Yargı" seriallarında oynayıb. Yeni layihələrdə iştirak etməyə davam edir.