Dean Norris

Din Cozef Norris (8 aprel 1963-cü il təvəllüdlü) amerikalı aktyordur. O, daha çox AMC kanalının "Breaking Bad" (2008–2013) və onun spin-offu olan "Better Call Saul" (2015–2022) seriallarında DEA agenti Henk Şreyder, eləcə də CBS kanalının "Under the Dome" (2013–2015) serialında şəhər şurasının üzvü Ceyms "Böyük Cim" Renni rolları ilə tanınır. O, həmçinin "Lethal Weapon 2" (1989), "Total Recall" (1990), "Terminator 2: Judgment Day" (1991), "Starship Troopers" (1997), "Little Miss Sunshine" (2006) və "Evan Almighty" (2007) kimi filmlərdə rol alıb. Norris İndiana ştatının Saut-Bend şəhərində mebel mağazası sahibi Cek və Rozi Norrisin ailəsində anadan olub. Onun dörd bacısı var. 1981-ci ildə Kley Liseyini bitirən Norris, orada bütün qiymətlərinin "əla" olduğunu bildirir. O, 1985-ci ildə Harvard Kollecini sosial elmlər ixtisası üzrə bitirib. Norris, həmçinin Kral Dramatik İncəsənət Akademiyasında təhsil alıb.