Selim Bayraktar

Türk atanın və Kərkük əsilli ananın övladı olaraq dünyaya gələn aktyor ibtidai məktəbi Kərkükdə bitirmiş, 1987-ci ildə ailəsi ilə birlikdə Türkiyəyə gəlmişdir. Əvvəlcə Eskişehirə, daha sonra isə Antalyaya köçmüş və orta təhsilini burada almışdır. 2000-ci ildə Hacettepe Universitetinin Ankara Dövlət Konservatoriyasının Teatr bölməsini bitirdikdən sonra bir müddət Diyarbakır Dövlət Teatrında çalışmışdır. 2007-ci ildə isə Antalya Dövlət Teatrına keçmişdir. Othello, Sırça Kümes və Bay Kolpert kimi tamaşalarda rol almışdır. Televiziyada ilk dəfə 2006-cı ildə Köprü serialında canlandırdığı Erdal obrazı ilə çıxış etmişdir. Ardınca 2009-cu ildə Bir Bulut Olsam serialında Mahmut Paşa obrazını canlandırmışdır. 2011-ci ildə yayımlanmağa başlayan tarixi televiziya serialı Muhteşem Yüzyıl-da canlandırdığı Sümbül Ağa obrazı ilə məşhurlaşmış, daha sonra Romantik Komedi 2: Bekarlığa Veda, Kırmızı və Aşk Sana Benzer filmlərində rol almışdır. 2005-ci ildən Bihter Bayraktar ilə evlidir.