Çağatay Ulusoy

Türk serial və kino aktyoru, keçmiş model. 2010-cu ildə "Best Model Of Turkey" müsabiqəsinin qalibi olub. İstanbul Universiteti Meşəçilik Fakültəsində ali təhsilinə başlayan Çağatay Ulusoy eyni zamanda Ayla Alqandan aktyorluq dərsləri almağa başlayıb. Bundan əlavə, aktyor Vahide Perçin və Altan Gördümün incəsənət məktəbi olan "Akademi 35 Buçuk"-da aktyorluq dərsləri alıb. Aktyorluq karyerasına 2011-ci ildə "Show TV"-də yayımlanmağa başlayan "Adını Feriha Koydum" adlı serialdakı Emir Sarrafoğlu obrazı ilə qədəm qoyub. İlk reklam filmini Türkiyənin köklü cins geyimləri firmalarından olan "Colin’s" ilə 2016-cı ildə çəkdirib və firmanın marka siması olub. Son olaraq 2016-cı ilin sonunda "Ay Yapım"-ın istehsalı olan və Uluç Bayraktarın rejissorluğu ilə çəkilən "İçerde" adlı serialda Sarp obrazını canlandırıb.