2003-cü ilin oktyabrında, sərxoş olduğu bir gecədə sevgilisindən yeni ayrılan Mark, universitetin kompüter sisteminə sızaraq kampusdakı bütün qadınların məlumatlarını özündə birləşdirən bir verilənlər bazası saytı yaradır. O, yan-yana iki fotoşəkil qoyaraq istifadəçilərdən kimin “daha cazibədar” olduğunu seçmələrini istəyir. Facemash adlandırdığı bu sayt bir anda virus kimi yayılaraq bütün Harvard sistemini çökdürür və qadın düşmənçiliyi ittihamları ilə kampusda böyük qalmaqala səbəb olur. Mark təhlükəsizliyi pozmaq, müəllif hüquqları qanunlarını və şəxsi həyatın toxunulmazlığını tapdalamaqda günahlandırılır. Məhz bu ərəfədə Facebook-un təməli qoyulur. Çox keçmədən Mark Harvard-da bir ekrandan digərinə, Ivy League-dən Silikon Vadisinə və bütün dünyaya bir yanğın kimi yayılacaq thefacebook.com saytını yaradır.