Atasının kim olduğunu bilməyən, anası narkotik asılısı olan və on üç uşaq arasında heç kimin diqqət yetirmədiyi afroamerikalı bir gəncin həyatı küçələrdə keçir. Oxuma-yazma bilməyən və məktəbdə uğursuz olan bu uşağın həyatı, varlı bir ailə tərəfindən himayəyə götürüldükdən sonra dəyişir. Məktəbdə amerikan futboluna başlayan gənc, nəhayət öz istedadını kəşf edir və günün birində Milli Futbol Liqasının ən çox axtarılan idmançılarından birinə çevrilir. Film, Michael Oher-in real həyat hekayəsindən bəhs edir.