Jurnalist Angela-nın çoxdan gözlədiyi fürsət ayağına gəlir. Belə ki, tele-müxbir Angela və operatoru Pablo yanğınsöndürənlər haqqında veriliş hazırlayarkən gələn bir çağırış əsasında, yanğınsöndürmə briqadası ilə birlikdə hadisə yerinə yollanır və xəbəri canlı şəkildə işıqlandırmaq imkanı qazanırlar. Lakin yaşlı bir qadının evdə bədbəxt hadisə keçirdiyini düşündükləri bu hadisənin əslində reallıqdan çox uzaq və dəhşətli miqyasda olduğunu mənzilə çatanda öyrənmələri onlar üçün xoşagəlməz bir sürpriz olacaq.