Napolyon müharibələri özünün ən yüksək nöqtəsindədir. Napolyonun dünyanı ələ keçirəcəyi qorxusu ən çox İngiltərədə hiss olunur. İngiltərə hökuməti Braziliya sahillərində olan kapitan Obri (Rassel Krou) komandanlığındakı döyüş gəmisinə fransızların "Acheron" adlı nəhəng döyüş gəmisini məhv etmək tapşırığını verir. İki gəminin ilk qarşılaşmasında ingilis gəmisi ciddi zədə alır və dumanın köməyi ilə batmaqdan xilas olur. Lakin kapitan Obri özündən daha sürətli və güclü silahlarla təchiz olunmuş fransız gəmisini təqib etməkdə qərarlıdır. Sakit okeanda davam edən bu uzun təqib zamanı onlar ölüm-dirim mübarizəsi aparırlar.