Uçma qabiliyyəti olmayan quşların sülh içində yaşadığı cənnətvari bir adada, əsəb problemini bir cür həll edə bilməyən Red, dostları Bomba və Chuck digər quşlar tərəfindən kənarlaşdırılır. Bir gün adaya gəmi dolusu donuz gəlir. Adadakı quşlara dostyana davranan donuzlar qısa müddətdə ada sakinlərinin etibarını qazanırlar. Red ada xalqını donuzlarla bağlı dəfələrlə xəbərdar edir və onlara inanmamağı tapşırır. Bir gecə donuzlar adadakı bütün yumurtaları oğurlayıb qaçırlar. Yumurtaları oğurlanan quşlar nə edəcəklərini bilmirlər. Çarəsiz qalan quşlar, vaxtilə xəbərdarlıqlarına məhəl qoymadıqları əsəbi quş Red-dən kömək istəyirlər.