Güneşi Gördüm

Hər cür ayrı-seçkiliyə və kənarlaşdırılmaya qarşı çıxan, müharibənin, davanın və özünə bənzəməyəni alçaltmağın problemin məhz özü olduğunu vurğulayan bu film, bir mənada "Türkiyənin hekayəsi"dir... Qarsın Sarıkamış rayonunun dağ kəndində yaşayan Ramo və ailəsi bölgədəki terror probleminin mərkəzində yaşayırlar. Mina və silah səsləri, əsgərlər ilə dağa çıxan gerillalar arasında davam edən müharibə onların gündəlik həyatının bir parçasına çevrilib. Lakin baş verən atışmadan sonra kəndə gələn komandir ailələrdən kəndi boşaltmalarını tələb edir. Ramo və ailəsi çarəni İstanbula getməkdə tapır. Bəyoğlunun ara küçələrindən birinə yerləşən ailə burada bəxtini sınamağa qərar verir.