Wesley həyatdan nifrət edən, zəif xarakterli və tənbəl bir gəncdir. Həyatdan nifrət etmək üçün kifayət qədər güclü səbəbləri də var, çünki əl atdığı hər işdə uğursuzluğa düçar olur. O, əzilmiş, uduzmuş, hər kəs tərəfindən alçaldılan və uğursuzluğun canlı nümunəsidir. İş yerində müdiri tərəfindən daim danlanır, evdəki vəziyyəti isə bundan heç də fərqlənmir. Daimi uğursuzluqlar və təhqirlər səbəbindən Wes çıxış yolunu yüksək dozalı panik atak dərmanlarında tapır. Fox adlı bir qadının həyatına girməsi ilə Wesin köhnə həyatı sona çatır. Fox marketdə alış-veriş edərkən Wesley ilə qarşılaşır və onu özü ilə aparır. Məlum olur ki, Wesin uzun müddətdir itkin düşdüyü üçün unutduğu atası, "Qardaşlıq" adlı gizli bir təşkilat üçün çalışarkən öldürülüb. Yüz illik tarixə malik və peşəkar sui-qəsdçilərdən ibarət olan bu təşkilatın vəzifəsi, taleyin qaçılmaz əmrlərini yerinə yetirməkdir. Təşkilatın tək bir prinsipi var: minlərlə insanı xilas etmək üçün bir nəfəri öldürmək!