İkinci Dünya Müharibəsinin insanlığa sığmayan dəhşətlərindən bir səhifə... Auşvits düşərgəsindəki qaz kameralarında ölümə göndərilən yəhudilərin yaşadığı faciə ilə yanaşı, onları ölümə göndərmək üçün seçilmiş bir qrup yəhudinin də dramı cərəyan edir. "Zonderkommando" adlandırılan bu qrup ağır mənəvi seçim qarşısında qalır. Qrupun öz aralarında təşkilatlanaraq Auşvits tarixindəki ilk silahlı üsyana hazırlaşdıqları bir vaxtda, qaz kamerasında sağ qalmağı bacarmış 14 yaşlı bir qız tapırlar. Qrup həyatlarının ən çətin dilemması ilə üzləşir: ya bu qızı xilas etmək üçün üsyan planından əl çəkib minlərlə insanın qurtuluş ümidini fəda edəcəklər, ya da bütün əzablara rəğmən sağ qalmış bu balaca qızı ölümə tərk edəcəklər.