SG-1 komandası və Jack O'Neill, Goa'uld sistem lordlarının sonuncusu olan Ba'alın edam mərasiminə qatılırlar. Ba'al zamanda səyahət edərək 1939-cu ilə, Dünyaya gedir və ABŞ-a Ulduz Qapısını daşıyan gəmini məhv edir. Bununla da bütün Ulduz Qapısı komandasının həyatı dəyişir və Ulduz Qapısı proqramı tarixdən silinir. Ardınca Teal'c və Vala gözlənilmədən yoxa çıxır, daha sonra isə insanlar və əşyalar da yox olmağa başlayır. SG-1 komandası donmaq üzrəykən Jack O'Neill-in rəhbərlik etdiyi bir dəstə tərəfindən xilas edilir. Onlar baş verən bu qəribə hadisələri general-mayor Henry Landry-yə danışsalar da, o, zaman səyahətinin mümkünlüyünə inanmır. Bir il keçir və Dünyaya hücum etmək üçün bir Goa'uld gəmisi orbitə yaxınlaşır. Dünya ələ keçirilib kölə cəmiyyətə çevrilməmişdən əvvəl, SG-1 komandası Ulduz Qapısını tapıb bu problemləri həll etməlidir.