5 sentyabr 1972-ci il, Münhen Yay Olimpiya Oyunlarının onuncu günü. Almaniya özünü liberal və kosmopolit bir ölkə kimi dünyaya nümayiş etdirməyi hədəfləyirdi. Lakin səhər saat 4-5 radələrində Olimpiya kəndində atəş səsləri eşidildi. Bir qrup fələstinli terrorçu İsrail komandasının on bir üzvünü girov götürdü. ABŞ-ın ABC yayım şirkətinin gecə növbəsində işləyən əməkdaşları hadisə yerinə yaxın olduqları üçün atışmanı birbaşa eşidir və media dərhal hərəkətə keçir. İdman müxbirləri üçün 21 saat davam edəcək fasiləsiz canlı yayım marafonu başlayır. Gənc və iddialı prodüser Geoff özünü nüfuzlu rəhbəri Roone Arledge-ə sübut etməyə çalışır. O və alman tərcüməçi Marianne canlı yayımın idarəetməsini öz üzərlərinə götürürlər. Bəs terrorçuların əsas məqsədi məhz bu yayım idisə, belə bir vəziyyəti işıqlandırmaq nə dərəcədə düzgündür?