IRA haqqında çəkilmiş bu filmdə Bobby Sands-in məruz qaldığı qeyri-insani rəftarın sərtliyini iliklərinizə qədər hiss edirsiniz. Dialoqsuz səhnələrin təsir gücü ilə başlayan film, bütün boyu davam edən dəhşətli reallıq hissi ilə izləyicini əsir alır. Məhbusların ədyala bürünmə və yuyunmama aksiyaları ilə başlayan müqaviməti, altı həftəlik aclıq aksiyası ilə zirvəyə çatır. Həyatı mübarizələrlə keçmiş Sands-in öz bədənini son döyüş meydanı kimi görməsi ilə yaşanan dramatik proses fövqəladə bir təsirli dillə gözlər önünə sərilir. Filmin təsir gücü təkcə Sandsın rəhbərlik etdiyi məhbusların müqavimət dastanından ibarət deyil. Çünki həbsxana məhbuslar üçün olduğu qədər, nəzarətçilər üçün də əsl cəhənnəmdir. Film həm də nəzarətçilərin pozulmuş psixologiyasını əks etdirir.