Soyuq bir Nyu-York gecəsində Nik əlində truba, Grand Central vağzalında növbəti gün qatılacağı seçmələrə hazırlaşır. Otelə verəcək bir qəpiyi belə yoxdur. Bu vaxt yanından qaçaraq keçərkən telefonunu salıb sındıran Bruk isə Bostona gedən son qatarı qaçırmamaq üçün əlindən gələni etsə də, buna nail ola bilmir. Son qatar yola düşüb vağzal bağlandıqdan sonra özlərini soyuq Nyu-York gecəsinin ortasında tənha tapan bu iki insanın gedəcək yeri yoxdur. Nik telefonu sınan, üstəlik çantası oğurlanan Brukun əri evə çatmamış onu mənzil başına çatdıraraq qəhrəman olmaq istəyir; o, bununla həm də üzləşməkdən qaçdığı öz problemlərindən uzaqlaşacağına ümid edir. Geri dönüşü olmayan bir yola girdiyini bilən Bruk isə Nikin həyatında kiçik dəyişikliklər etməsinə kömək edərək, bu yeni tanış olduğu adamı xoşbəxt etmək istəyir. Lakin çox uzun sürəcək bu gecədə qəhrəmanlarımız başqa yerlərdə axtardıqları hər şeyin əslində elə yanlarındakı insanda olduğunu anlayacaqlar.