86-87-ci illər arasında nəşr olunan 12 saylıq Watchmen, Soyuq Müharibə dövrünün təsirlərini özündə əks etdirən bir komik kitabdır. 1985-ci ildə, Amerika və Sovet İttifaqının nüvə müharibəsi astanasında olduğu bir vaxtda Nyu-Yorkda cərəyan edən hekayədə, super qəhrəmanlar kostyum və maskaları ilə gündəlik həyatın bir parçası kimi xalqın arasında yaşayırlar. Onlara aid edilən “super qəhrəman” tərifinin əksinə olaraq, ironik şəkildə heç bir fövqəlgücə malik olmayan bu qəhrəmanlar, qanunlardan asılı olmayaraq öz səyləri ilə ədaləti bərqərar etməyə çalışırlar. Köhnə dostlarından birinin öldürülməsindən sonra cinayəti araşdırmağa başlayan Rorschach, əslində bu hadisənin super qəhrəmanlara qarşı qurulan daha böyük bir sui-qəsdin başlanğıcı olduğunu düşünür. Buna görə də, o, bu sui-qəsdin qarşısını almaq üçün dağılmış köhnə komandasını yenidən bir araya gətirməyə çalışacaq.