20-li yaşlarında, bir-birini sevən, lakin beş qəpikləri belə olmayan evli cütlük John və Alice Amerikanın kiçik bir qəsəbəsində yaşayırlar. Dostları rahat həyat sürərkən, "uğur qazanacağı gözlənilən" Alice çətinliklə dolanmağa çalışır. Nevrotik və bir çox fobiyası olan əri John isə sadəcə hesabları ödəmək istəyir. Lakin baş verən bir qəza onları antikvar dükanına aparır. Alice orada sirli bir çaydan tapır. Çox keçmədən onun adi bir çaydan olmadığını və bütün maddi problemlərinin həlli ola biləcəyini anlayırlar. "The Brass Teapot" nə arzuladığımıza diqqət etməli olduğumuzu xatırladan sehrli bir qara komediya filmidir.