Filmimiz, Cannonball Run adlı qeyri-qanuni bir avtomobil yarışından bəhs edir. Yarışda hər növ mühərrikli nəqliyyat vasitəsi iştirak edə bilir. Yarış qeyri-qanuni olduğu üçün iştirakçılar yüksək sürətə görə cərimələnə bilər və törədəcəkləri qəzalara görə birbaşa məsuliyyət daşıyırlar. Lamborghinidən Subaruyadək müxtəlif idman avtomobillərinin yer aldığı filmdə, şübhəsiz ki, ən çox diqqət çəkən nəqliyyat vasitəsi Jackie Chan-ın idarə etdiyi, dövrünün texnologiyasına görə fantastik sayılan Subarudur. Həmçinin, bu film Jackie Chan-ın rol aldığı ilk Amerika istehsalı filmlərdən biridir.