2008-ci ilin ən çox maraq doğuran ekran işlərindən biri olan bu film, Edward Norton və Colin Farrell kimi iki böyük aktyorun iştirakı ilə kinosevərlərin diqqətini daha da cəlb edib. “Pride and Glory - Qürur və Zəfər”, Nyu-York Polis Departamentində çalışan detektiv Ray Tierney-nin (Edward Norton) ən yaxın dostu və həmkarı Jimmy Egan-ın (Colin Farrell) da qarışdığı böyük bir korrupsiya faktını üzə çıxarmasından bəhs edir. Film həmçinin usta aktyor Jon Voight-u da heyətində birləşdirir. Atası illərlə Nyu-Yorkda detektiv işləmiş rejissor O’Connor, cinayət filmləri dünyasını ovcunun içi kimi bildiyini və filminin 2008-ci ildə böyük kassa uğuru qazanacağını iddia edir.