Çikaqonun cənub hissəsində Charles Lee Ray adlı bir seriyalı qatil Mike Norris adlı detektiv tərəfindən vurulur. Gizlicə bir oyuncaq mağazasına girməyi bacaran Charles, ruhunu mağazadakı məşhur “yaxşı insan” oyuncaqlarından birinə köçürür. Chucky artıq ruhunu yenidən köçürə biləcəyi canlı bir qurban tapmalıdır. Karen Barclay 6 yaşı tamam olacaq oğlu Andy-yə çox istədiyi “yaxşı insan” oyuncağını ala bilmədiyi üçün kədərlidir. Karen və ən yaxın dostu Maggie nəhayət axtardıqları oyuncağı bir mağazada tapırlar. Həmin gecə Maggie Andy-yə dayəlik etməlidir. Lakin Andy və Maggie evdə tək deyillər. Chucky özünü ilk dəfə həmin gecə büruzə verir və dəhşətli hadisələr başlayır.