Justin Baldoni

Castin Baldoni amerikalı kino və televiziya aktyoru və rejissorudur. O, daha çox "Jane the Virgin" komediya-dram serialında Rafael Solano obrazını canlandırması ilə tanınır. Ölüm ayağında olan insanların həyatından bəhs edən "My Last Days" (2012) adlı rəqəmsal sənədli serialının uğurundan sonra o, insan təcrübəsini yüksəldən və qeyd edən ruhlandırıcı məzmunlar yaratmağı qarşısına məqsəd qoyan "Wayfarer Entertainment" rəqəmsal media studiyasının əsasını qoyub. O, bundan sonra "Five Feet Apart" (2019), "Clouds" (2020) və "It Ends With Us" (2024) bədii filmlərinin rejissoru olub.