Dünyanın müxtəlif yerlərində izaholunmaz fəlakətlərin baş verməsi ilə General Tomas Pursell geofizik Dr. Coş Kiz və fransız nüvə fiziki Dr. Serj Leveki təcili Vaşinqtona çağıraraq bu faciələrin arxasındakı sirri açmağa çalışır. Ortada müharibə təhlükəsindən qat-qat dəhşətli bir vəziyyət var: Yer kürəsinin mərkəzindəki nüvənin fırlanması dayanıb. Günəşdən gələn ölümcül radiasiyaya qarşı qoruyucu qalxan rolunu oynayan elektromaqnit sahəsinin pozulmasının nəticələri çox ağır olacaq. Bu problem dərhal həll edilməzsə, təyyarələr yerə çırpılacaq, elektron cihazların sıradan çıxması ilə görünməmiş bir xaos yaşanacaq. Atmosferdəki dəyişikliklər nəticəsində yüzlərlə şimşəyin eyni anda çaxması ilə "super fırtınalar" yaranacaq; ən dəhşətlisi isə mikrodalğa radiasiyasının təsiri ilə dünyamızın alışıb yanması olacaq...