Los-Anceles, 1997-ci il. Kelvin və Helen 1962-ci ildəki o faciəli gündən bəri həyatlarını Kelvinin tikdiyi və təsadüfən içərisinə təyyarə düşdüyü üçün məcburi sığındıqları bomba sığınacağında keçirirlər. Hətta artıq 35 yaşına çatan oğulları Adam da burada doğulub. Sığınacaq üçün 50-ci illər sadəcə nostalji deyil, reallıqdır. 35 il sonra qapı açıldıqda ata radiasiyadan qoruyucu kostyumda kəşfiyyata çıxır. Çöldə rastlaşdığı ilk insanlar yaşlı bir kitabxanaçı və Kelvini Tanrı zənn edən iki sərxoş olur. Kelvin geri qayıdıb hesabat verir: radiasiya hücumu nəticəsində yer üzündə onları 10 il ərzində məhv edəcək yarı-insan məxluqlar peyda olub. Sağ qalmaq üçün ərzağa ehtiyacları var. Vebsterlər həm lazımi ehtiyatı toplamaq, həm də özünə bir həyat yoldaşı tapsın deyə saf Adamı yerin üstünə göndərirlər, lakin Adam dərhal gözdən itir. Keçmişin sığınacağından çıxmaq Adam üçün nələrlə nəticələnəcək?