Tibb fakültəsinin ən uğurlu tələbələrindən biri olan Paula, universitetin əfsanəvi müəllimlərindən professor Qrombekin anatomiya dərslərinə qəbul edilir. Bu sinfə düşmək tələbələr üçün böyük nüfuz hesab olunduğundan, Paula çox sevinir. Lakin çox keçmədən, sinif yoldaşlarından bir neçəsinin universitetin morqunda ölü tapılması ilə bu sevinc qısa sürür. Ölən tələbələrin izinə düşən Paula, universitetdə fəaliyyət göstərən gizli bir təşkilatın varlığını öyrəndikdə kabus dolu günlər başlayır. Məlum olur ki, bu gizli tibbi təşkilat seçilmiş tələbələr üzərində, özü də onlar sağ ikən tibbi təcrübələr aparır. Paula öyrəndiklərini sübut etməyə çalışarkən, bu təşkilata daxil olanların və ya fəaliyyətləri haqqında məlumat əldə edənlərin öldürüldüyünü anlayınca çıxılmaz vəziyyətdə qalır.