Bülent Emin Yarar

Bülent Emin Yarar və ya Bülent Yarar (1961, Ankara) türk teatr, kino və televiziya aktyoru, teatr rejissorudur. 1994–1995-ci teatr mövsümündən etibarən İstanbul Dövlət Teatrının aktyor heyətində fəaliyyət göstərir. Dövlət Teatrları ilə yanaşı, Tiyatro Ti, Tiyatro Stüdyosu, Oyun Atölyesi, Semaver Kumpanya, Dostlar Tiyatrosu, Tiyatro Rast kimi bir çox özəl teatrda da tamaşalarda rol alıb. Çayhane tamaşasındakı roluna görə 9-cu Afife Teatr Mükafatlarında, Profesyonel tamaşasındakı roluna görə isə 14-cü Afife Teatr Mükafatlarında “İlin ən uğurlu kişi aktyoru” mükafatına layiq görülüb. Serial və kino filmlərində də rol alan sənətçi Süper Baba serialındakı vəkil rolu və Reha Erdem filmlərindəki rolları ilə tanınır.