Rebecca və Tommy 9 yaşında bir-birlərinə aşiq olurlar. Yaşadıqları sahil qəsəbəsində bütün vaxtlarını birlikdə keçirməyə başlayırlar. Ta ki Rebecca-nın ailəsi Yaponiyaya köçmək qərarına gələnədək. 12 il sonra Rebecca Tommy-ni tapmaq üçün qəsəbəyə qayıdır və iki aşiq dərhal bir-birinə qovuşur. Sanki bir-birlərinə doğuşdan aşiqdirlər. Lakin Tommy avtomobil qəzasında həlak olduqdan sonra Rebecca həyatını necə davam etdirəcəyini bilmir. Bu, insan klonlaşdırılmasının cəmiyyət tərəfindən qəbul edilməsə də, qanuni olduğu bir dövrdür. Rebecca valideynlərinin bütün etirazlarına baxmayaraq, Tommy-nin klonunu dünyaya gətirməyə qərar verir. Womb sonrakı 20 ilin hekayəsidir...