Neft milyarderi Hovard 'Red' Stivensin vəfatından sonra onun tamahkar və pulgir ailəsi mirasın dalınca düşür. Babasından nifrət edən ərköyün və eqoist nəvəsi Ceyson Stivensi isə böyük bir sürpriz gözləyir. Mirasdan payını ala bilmək üçün o, ailə, dostluq və sevgi kimi mövzularda ona verilən 12 tapşırığı yerinə yetirməlidir. Bu müddətdə tanış olduğu leykoz xəstəsi balaca Emili və anası Aleksiya Ceysonun həyata baxışını tamamilə dəyişəcək. Klassik özünüdərk filmi olsa da, insanı özünə çəkir. Ailə ilə izləmək üçün xoş bir filmdir. Bu janrdakı filmlərdən fərqli olaraq cəsarətli addımlar atır və bənzərlərindən bir addım öndə dayanır. Ebigeil Breslin isə hər zamankı kimi çox şirindir.