Eyni qız liseyində oxumuş universitet tələbələri öz aralarında etibar, sirr və həmrəylik naminə and içiblər və köhnə bir dostluqları var. Lakin onların bu vədə sadiqliyi bir ev partiyasındakı zarafatla sınağa çəkilir. Partiyada işlər qarışır və MEGAN vəhşicəsinə öldürülür. Cinayətlərini gizlətmək və parlaq gələcəklərini məhv etməmək üçün qızın cəsədini gizlədir və bu sirri sonsuza qədər saxlayırlar. Məzuniyyətlərindən bir il keçib. Evə və bir-birlərinə vida etməzdən əvvəl qızlar bol alkoqollu bir partiya təşkil etmək istəyirlər və qaranlıq sirlərinin gizli qaldığına əmindirlər. Bəs doğrudanmı belədir? Partiya evdə qızğın davam edərkən, naməlum nömrədən qızların telefonuna cinayət gecəsi çəkilmiş videolar gəlir və videoların polisə göndəriləcəyi ilə hədələnirlər. Daha sonra isə qızlar və heç nədən xəbəri olmayan sevgililəri bir-bir öldürülməyə başlayır.