Əvvəllər yalnız canavar qonaqları qəbul edən Hotel Transilvanya, yeni dəyişikliklərdən sonra qapılarını insanlara da açır. Lakin Drakulanın başqa bir böyük problemi var: yarı vampir, yarı insan olan nəvəsi Dennis hələ də vampir xüsusiyyətləri göstərmir. Mavis və həyat yoldaşı Conni insan qohumlarını ziyarətə gedərkən, Drak canavar dostları ilə birləşərək nəvəsi Dennisi vampir təlimi düşərgəsinə göndərməyə qərar verir. Bu təlim zamanı Drakulanın çox yaşlı və mühafizəkar atası Vlad ailəsini ziyarət etmək üçün hotelə gəlir. Vladın nəvəsinin safqan vampir olmadığını və hotelə insanların da qəbul edildiyini öyrənməsi vəziyyəti qarışdırır. 2012-ci ildə ilk hissəsi nümayiş olunan bu əyləncəli animasiya seriyası, təkcə ölkəmizdə deyil, dünya miqyasında böyük uğur qazanaraq həm böyükləri, həm də kiçikləri əyləndirməyi bacarmışdı.