Tracy Chevalier-in romanı əsasında çəkilmiş film, holland rəssam Johannes Vermeer-in “İnci sırğalı qız” tablosunun yaranma prosesi ətrafında baş verən hadisələrdən bəhs edir. Tablodakı qız haqqında çox az məlumat var. 1665-ci il Hollandiyasında cərəyan edən filmdə, atası iş qəzasında kor olduqdan sonra ailəsini dolandırmaq məcburiyyətində qalan on yeddi yaşlı Griet (Scarlett Johansson) rəssam Johannes Vermeer-in (Colin Firth) evində xidmətçi işləməyə başlayır. Griet zamanla evli olan rəssamın diqqətini çəkir. Vermeer, onun tərbiyəsi, təhsil səviyyəsi və sosial mövqeyi baxımından özündən çox fərqli olmasına baxmayaraq, rəngləri və işığı duyma qabiliyyətini kəşf edərək onu rəsmlərinin sirli dünyasına cəlb edir. Bu ortaq cəhətlərinə görə, aralarındakı xidmətçi-ağa münasibəti tədricən yaxınlığa çevrilir.