Ian Fleming'in 1957-ci ildə nəşr olunan beşinci James Bond romanı əsasında çəkilmiş "From Russia with Love" seriyanın ikinci filmidir. Bu filmdə Sean Connery ikinci dəfə Bond obrazını canlandırır. Sovet kəşfiyyatında xidmət edən onbaşı Tatiana Romanova İstanbuldakı səfirliyə katibə kimi göndərilir. Romanova ölkəsi üçün hər cür fədakarlığa hazırdır, lakin komandiri Klebb eyni zamanda Spectre üçün işləyir və Dr. No-nun intiqamını almağı planlaşdırır. Klebbə etibar etməyən Romanova İstanbulda Əli Kərim bəylə əlaqə saxlayaraq, LEKTOR şifrələmə maşınını da götürüb Sovet İttifaqından qaçmaq istədiyini və bu planı yalnız James Bondun köməyi ilə həyata keçirə biləcəyini bildirir. O, gizli bir sənəddə gördüyü şəklə əsasən Bond-a aşiq olduğunu iddia edir. M və Bond bunun bir tələ olduğuna inansalar da, riskə getməyə qərar verirlər. Bond, Romanovaya kömək etmək üçün Türkiyəyə göndərilir.