Film, apardığı qətl istintaqında əsas şübhəlinin öz oğlu olduğunu öyrənən polis məmurunun yaşadığı mənəvi dilemma haqqındadır. Robert De Niro və James Franco-nun rol aldığı filmdə Nyu-York şəhəri qətl şöbəsinin detektivi Vincent LaMarca, işinə bağlılığı və uğurlu karyerası ilə tanınan hörmətli bir polisdir. Bir qətl hadisəsini araşdırarkən boşandığı həyat yoldaşından olan oğlunun yaşadığı Long Island-a qədər iz sürən Vincent, istintaq zamanı tənha böyüyən oğlunun cinayətdə bir nömrəli şübhəli olduğunu aşkar edir. Oğlunu xilas etmək və vəzifəsini yerinə yetirmək arasında qalan Vincent çətin bir seçim etməlidir. Bir polis olaraq cinayətkarı ədalət qarşısına çıxarmalı, bir ata olaraq isə oğlunu qorumalıdır.