Kristofer Robin artıq böyüyüb. O, çox işlədiyi, az qazandığı və gələcəyini görmədiyi bir işin əsirinə çevrilib. Öz ailəsini qursa da, işi həyatının mərkəzinə çevrildiyi üçün həyat yoldaşına və qızına çox az vaxt ayıra bilir. Kristofer balı sevən sadəlövh oyuncaq ayısı və dostları ilə keçirdiyi uşaqlığını unudub. Lakin illər ərzində qucaqlanmaqdan və oyunlardan köhnəlmiş Vinni Pux ilə yenidən qarşılaşdıqda, onların dostluğu yenidən alovlanır. Bu görüş Kristoferə uşaqlıq marağının onun şəxsiyyətini necə formalaşdırdığını və heç nə etmədiyini düşündüyü anların əslində nə qədər dəyərli olduğunu xatırladır.