Yeni il ərəfəsində Klivlendin ən təhlükəli məhəllələrindən birində yerləşən, 40-cı illərdən qalma kiçik polis bölməsi bağlanmazdan əvvəl son günlərini yaşayır. Aylar əvvəl narkotik reydi zamanı aldığı fiziki və psixoloji travmalardan sonra masa arxasına keçirilən polis zabiti Roenikə sadə bir tapşırıq verilir: təcrübəli polis O'Şi və işə yaramaz katibə Ferris ilə birlikdə yanvarın 1-i səhərinə qədər bölməni qorumaq. Elə həmin gün qətldə günahlandırılan dəstə başçısı Nikolas Zambrano avtobusla həbsxanaya köçürülür. Şəhəri iflic edən qar fırtınası səbəbindən avtobusdakılar gecəni keçirmək üçün Roenikin bölməsinə sığınırlar. Fırtınadan istifadə edən naməlum şəxslər bölməyə hücum edir. Hücum edənlər sanki Zambranonun arxasınca gəliblər. Roenik avtobusla gələn məhbusları və bir ovuc polisi səfərbər edərək, səhər yardım gələnə qədər sağ qalmaq üçün mübarizə aparmalıdır.