28-ci əsrdə minlərlə planetdən gələn müxtəlif irqlər nəhəng bir meqapolisə çevrilmiş Alpha şəhərində sülh və əmin-amanlıq içində yaşayırlar. Bu həyatın davamlı olması üçün bütün irqlər öz bilik və bacarıqlarını bir-biri ilə bölüşüblər. Lakin Alpha-nın rifahı və təhlükəsizliyi naməlum bir qüvvənin ciddi təhdidi altındadır. Bu təhlükəni aradan qaldırmaq və sülhü qorumaq üçün xüsusi agentlər Valerian (Dane DeHaan) və köməkçisi Laureline (Cara Delevingne) bütün irqlərin son ümidinə çevrilirlər. İkilinin 10 saatdan az vaxtı var. Film, Pierre Christin-in 1967-ci ildə nəşr olunmağa başlayan "Valérian və Laureline" adlı komiks seriyası əsasında çəkilib.