Gu-nam Şimali Koreya, Çin və Rusiya sərhədində yerləşən Yanji şəhərində taksi sürücüsü işləyərək dolanmağa çalışan yoxsul biridir. İş dalınca Koreyaya gedən həyat yoldaşından altı aydır xəbər ala bilmir. Bu müddətdə Gu-namın borcları da durmadan artır və o, artıq çıxılmaz vəziyyətdə olduğunu hiss edir. Məhz bu ərəfədə ona borclarını bağlamaq, həyatını qaydaya salmaq və hətta həyat yoldaşı ilə yenidən qovuşmaq üçün bir şans verilir: Cənubi Koreyaya keçib bir nəfəri öldürmək, yəni muzdlu qatil olmaq. Çarəsiz qalan Gu-nam təklifi qəbul edir, lakin işlər planlaşdırıldığı kimi getməyincə, o, Şimal və Cənubi Koreya dəstələrinin arasında qalır.