“Freydin bəhs etdiyi mənada ‘qəribəlik’ filmin ruhuna tam uyğun gəlir.” Saymon hər şeydən əvvəl utancaq bir adamdır. İş yerində hamının unutduğu, anası tərəfindən alçaldılan və xəyallarındakı qadın tərəfindən heç cür fərq edilməyən biridir. Kənarlaşdırılmasını və dünyanın ona qarşı laqeydliyini dəyişdirmək üçün əlindən çox şey gəlmir. Ta ki, iş yerinə ona tıpatıp bənzəyən Ceyms gələnə qədər. Ceyms onun fiziki əkizidir, lakin xaraktercə tam ziddidir. Özünəinamı, xarizması və qadınlarla çox yaxşı yola getməsi sayəsində bir anda hamının sevimlisi olur. Saymonun tam da qorxduğu kimi, Ceyms yavaş-yavaş onun bütün həyatını ələ keçirməyə başlayır. Dostoyevskinin ‘Oxşar’ əsərinin olduqca yaradıcı bir uyğunlaşması olan film, qurduğu qaranlıq və Kafkaesk atmosferi ilə diqqət çəkir. Riçard Ayoade bu ikinci filmində, özünəməxsus yumor anlayışı ilə narahatedici, lakin olduqca gülməli, daha əvvəl çox görmədiyimiz qəribə bir dünya yaradır. Bir sözlə, möhtəşəmdir!