Bir uniforma insanın içindəki hakimiyyət ehtirasını oyada bilərmi? "Yüzbaşı" filmi, İkinci Dünya Müharibəsinin bitməsinə həftələr qalmış, Herold adlı bir nasist əsgərinin qaçarkən tapdığı zabit uniforması ilə həm həyatının, həm də şəxsiyyətinin necə dəyişdiyindən bəhs edir. Real hadisələr və şəxsiyyətlərdən ilhamlanan film, hərbi nizamın altında əzilən bir insanın gücü əlinə aldığı anda nələr edə biləcəyini müşahidə edərkən, bəlkə də hər birimizin qəlbinin dərinliyindəki qaranlığın mənzərəsini çəkir. Tamaşaçının yaddaşına həkk olunan təsirli ağ-qara görüntüləri ilə "Yüzbaşı", müharibənin və hakimiyyət hərisliyinin soyuq, vəhşi üzünü böyük bir soyuqqanlılıqla nümayiş etdirir.