Quartier Lointain

Jiro Taniguchinin manqası əsasında çəkilmiş filmdə, komiks yazıçısı Tomas Verniaz evindən çıxarkən təsadüfən uşaqlığının keçdiyi məhəlləyə düşür. Ailə qəbiristanlığını ziyarət edərkən özündən gedən Tomas, ayıldıqda 40 il əvvələ, 14 yaşına qayıtdığını görür. Ailəsi sağdır və bir yerdədir. Əvvəlcə bunun bir yuxu olduğunu düşünsə də, zaman keçdikcə hər şeyin gerçək olduğunu hiss edir. Tomasın əlinə bir fürsət keçib və o, bu fürsətdən onları tərk edən atasını fikrindən daşındırmaq üçün istifadə etmək qərarına gəlir. Gerçəkliklə yuxu arasında qalan Tomas, dağılmaqda olan ailəsini bir yerdə tutmağı özünə borc bilir və bunun üçün mübarizə aparır.