Bu il 90 illik yubileyini qeyd edən unikal xarakter aktyoru Harry Dean Stanton-un baş rolda çəkildiyi bu müstəqil Amerika filminin qəhrəmanı səhrada yerləşən bir qəsəbədə yaşayan Lucky-dir. Səhərlər günə yoqa və səhər yeməyi ilə başlayan, irəliləyən yaşına baxmayaraq nə sağlamlıq, nə də ümumilikdə həyatla bağlı heç bir problemi olmayan Lucky ateistdir. Lakin bir gün, bu günlərinin də sona çatacağı fikri ağlına gəlir və Lucky-nin "aydınlanma" səyahəti başlayır. Dünya premyerasını South by Southwest Film Festivalında edən Lucky, David Lynch-in də daxil olduğu güclü aktyor heyəti ilə diqqət çəkir.