Sevimli küçə avarası Eddi həyatının qumarına üç dostu ilə birgə çətinliklə qazandıqları 100 000 funt-sterlinqi qoyur. Tom, Bekon və Sop aralarında onu seçmişdilər, çünki masada ən təcrübəli oyunçu o idi. Lakin təəssüf ki, bütün oyun əvvəlcədən qurulmuş bir hiylədən başqa bir şey deyilmiş. Oyunun sonunda Eddi, Hatchet Harry-yə yarım milyon funt-sterlinq borclanaraq masadan qalxır. Harry Eddiyə borcunu ödəmək üçün bir həftə vaxt verir, əks halda pul əvəzinə barmaqlarını alacaqlarını bildirir. Eddi və dostları təcili pul tapmaq üçün müxtəlif yollara əl atırlar, hətta Eddinin atasının antik tüfəngi ilə soyğunçuluq etməyə belə cəhd göstərirlər. Lakin cəhdlərinin hamısı uğursuzluqla nəticələnir. Halbuki, onlar əllərindəkinin dəyərini hələ dərk etmirlər...