20-ci əsrin ilk yarısında Britaniya müstəmləkəsi altında olan Hindistanda cərəyan edən film, müstəqillik uğrunda mübarizədə İngilis idarəçiliyinə qarşı "Passiv Müqavimət" hərəkatını təşkil edən Mahatma Qandinin həyatından bir hissəni əks etdirir. Ən yaxşı bioqrafik işlərdən biri hesab olunan "Gandhi", namizəd olduğu 11 kateqoriyadan "ən yaxşı film" və "ən yaxşı rejissor" da daxil olmaqla, 8 Oskar mükafatı qazanıb. Qandi rolunda kino tarixinin ən parlaq oyunlarından birini nümayiş etdirən usta aktyor Ben Kinqsli "ən yaxşı kişi aktyor" mükafatına layiq görülüb. Dəfn səhnəsində təxminən 300.000 nəfərin iştirakı ilə bir film səhnəsində yer alan ən çox insan sayı rekordunu da əlində saxlayan bu ekran əsəri, təsirli səhnələri ilə yaddaşlara həkk olunur. Hindistanın müstəqillik hərəkatının lideri Qandinin real həyatından bəhs edən bu realist film, ölkəmizdə uzun illər qadağan olunmuş və nümayişinə icazə verilməmişdi.