10 yaşlı Dana və 6 yaşlı Zana doxsanıncı illərin əvvəllərində Şimali İraqdakı bir kürd kəndində yaşayan iki qardaşdır. Zəngin təxəyyülləri sayəsində həyata tutunan bu iki yetim qardaşın həyatı, kənddə izlədikləri Supermen filmindən sonra maraqlı bir hal alır. Heç bir çətinliyin məğlub edə bilmədiyi Supermenə heyran qalan iki dost, nə bahasına olursa-olsun gedib bu yenilməz adamı tapmağa qərar verirlər. Harada olduğunu bilmədikləri Amerikaya çatmaq üçün Michael Jackson adlandırdıqları eşşəklərinə minib yola düşən iki qardaşı minalar, müharibə və müxtəlif çətinliklərlə dolu bir səyahət gözləyir.