Uoll-Strit maqnatı Stiven Teylor sədaqətli həyat yoldaşı obrazı yaratsa da, əslində heç də belə deyildi. Onun gözəl xanımı Emili Bredford Teylor da sevgi dolu bir həyat yoldaşı kimi görünürdü, lakin reallıq tamamilə fərqli idi. Stiven həyat yoldaşının sevgilisini onu öldürmək üçün muzdla tutanda, bu, qüsursuz bir cinayət planı kimi görünürdü. Amma əslində heç də belə deyil. Bu gərgin triller filmində demək olar ki, heç nə göründüyü kimi deyil. 1954-cü ildə Alfred Hiçkokun lentə aldığı "Dial M for Murder" filmi əsasında çəkilən bu ekran əsərində baş rolları Maykl Duqlas, Qvinet Peltrou və Viqqo Mortensen ifa edirlər. Klassik versiyanı sevənləri bu filmdə bir çox sürprizlər gözləyir. Stiveni də həmçinin. Onun "qüsursuz" planı hər dəfə pozulanda o, vəziyyətdən çıxmağı bacarır. Bəs görəsən, o, hər hadisədə bir addım öndə olmağı bacaracaqmı?