Frank Carvethin keçmiş həyat yoldaşı Nola qeyri-adi bir psixoloqun özəl klinikasında müalicə alır. Əfsanəvi aktyor Oliver Reedin canlandırdığı Dr. Hal Raglan "psixoplazmika" adlandırdığı özünəməxsus bir metodla çalışır. Bu terapiya zamanı pasiyentlər hislərini büruzə verdikcə bədənlərində fiziki dəyişikliklər baş verir. Frankın kiçik qızı anası ilə keçirdiyi həftəsonundan sonra kürəyində yaralarla evə qayıdanda, Frank dəliyə dönür və baş verənlərə görə Dr. Hal Raglanı günahlandırır. Çox keçmədən Nolanın anası naməlum, vəhşi bir uşaq tərəfindən qətlə yetirildikdə isə hadisələr daha da qarışıq bir hal alır.